چۆن به‌رنامه‌کان درووست ده‌کرێ و زمانی به‌رنامه‌سازی و کۆد نووسین چیه‌ ؟

ئایا چۆن به‌رنامه‌ی کۆمپیوته‌ر و مۆبایل و وێبسایت درووست ده‌کرێ و زمانی به‌رنامه‌سازی و کۆد نووسین چیه‌ ؟

هه‌موو له‌م جۆره‌ به‌رنامانه‌ زمانی کۆد نووسین هه‌یه‌ یاخود پێی ده‌ڵێن زمانی پڕۆگرامسازی که‌ به‌ ئینگلیزی پێ ده‌ڵێن

 Programming Language

ئه‌م زمانه‌ وه‌ک زمانی مرۆڤ نیه‌ و کۆد نووسینه‌کان زۆربه‌یان له‌ زمانی ئینگلیزی نزیکن به‌ڵام نه‌ک ۱۰۰%.
زمانی به‌رنامه‌زازی کۆمه‌ڵه‌ک زمانی هه‌یه‌ وه‌ک Java, C++ , C#, Python ...هتد
هه‌ریه‌که‌ک له‌مانه‌ میکانیزمی کارکردنیان وه‌ک یه‌که‌ به‌ڵام سینتاکس(Syntax) و نووسینی و ناوی وشه‌کان هه‌ندێک جیاوازن.
سینتاکس : بریتیه‌ له‌ یاسای چۆنیه‌تی نووسینی ڕسته‌ی زمانه‌که‌. لێره‌ ڕسته‌که‌ به‌ ئینگلیزی پێی ده‌وترێ Statement نه‌ک Sentence
هه‌ر یه‌کێک له‌م زمانانه‌ که‌مه‌ڵه‌ کۆماندی تایبه‌تی به‌خۆی هه‌یه‌. کۆماند (Command) ئه‌و وشه‌یه‌یه‌ که‌ ده‌ینووسیت و هه‌ڵده‌ستێت به‌ ئه‌نجامدانی کارێک و فه‌رمانێک.
زمانی به‌رنامه‌سازی دێکرێنه‌ دوو به‌ش. Low-Level Language و High-Level Language
ئه‌و زمانانه‌ی سه‌ره‌وه‌ باسمکرد بریتین له‌ High-Level Language که‌ بۆ ئه‌وه‌ درووست کراون ئه‌و که‌سانه‌ی که‌ ده‌یانه‌وێ به‌رنامه‌ درووست بکه‌ن و کۆد بنووسن به‌ ئاسانی بتوانن ، بۆیه‌ له‌ زمانی ئینگلیزی نزیک کرایته‌وه‌.

زمانی کۆمپیوته‌ر بریتیه‌ له‌ 0 و 1 یاخود باینه‌ری(Binary Number) .

 هه‌ر یه‌کێک له‌م 0 یان 1 به‌ یه‌ک بت(Bit) حیسابه‌.
8 بت ده‌بێته‌ 1 بایت : نموونه‌ 01001101

1024 بایت ده‌بێته‌ 1 کیلۆبایت
1024 کیلۆبایت ده‌بێته‌ 1 مێگابات
1024 مێگابایت ده‌بێته‌ 1 گیگابایت
1024 گیگابایت ده‌بێته‌ 1 تێرابایت

به‌وشێوازه‌ پێوانه‌که‌ دیاری ده‌کرێن.
کۆمپیوته‌ر ته‌نها له‌ ژماره‌ی 0 و 1 تێده‌گات . به‌ڵام ئه‌و پیتانه‌ و ژماره‌کانیتر ده‌کرێنه‌وه‌ باینه‌ری ئیجا کۆمپیوته‌ر کاری له‌سه‌ر ده‌کات. نموونه‌ پیتی A به‌ باینه‌ری ده‌بێته‌وه‌ 01000001 .
پڕۆگرامساز کاتێک بیه‌وه‌ێت پڕۆگرامێک درووست بکات زۆر زه‌حمه‌ته‌ به‌ باینه‌ری بیکات چونکه‌ ئاسان لێی تێناگات.
هه‌ر بۆیه‌ درووست کران که‌ زۆر نزیکن له‌ زمانی ئینگلیزی.
به‌رنامه‌سازی کۆمپیوته‌ر هه‌ر بۆ مه‌به‌ستی چاره‌سه‌ر کردنی کێشه‌یه‌ (Problem solving) و ئاسانکردنی شته‌کانه‌.